Nutty Chicken Strips/ നട്ടി ചിക്കൻ സ്റ്റ്രിപ്സ്

ചേരുവകൾ 

1. ചിക്കൻ- 250 ഗ്രാം (എല്ലില്ലാത്തത്)

2. മൈദാ - 1/2 കപ്പ്‌ 

3. മുട്ട - 1 

4. അണ്ടിപരിപ്പ് അരചെടുത്തത് - 1/2 കപ്പ്‌ 

5. കുരുമുളക് പൊടി - 1 ടേബിൾ സ്പൂണ്‍ 

6. വറ്റൽ മുളക് - 3 (പൊടിച്ചത്) 

7. പാൽ - 2 ടേബിൾ സ്പൂണ്‍ 

8. ഉപ്പ് - ആവശ്യത്തിന് 

തയ്യാറാക്കുന്ന വിധം 

1. ചിക്കൻ നീളത്തിൽ ചെറിയ കഷ്ണങ്ങളാക്കുക. മുട്ടയും പാലും നന്നായി യോജിപ്പിക്കുക 

2. കഷ്ണങ്ങളാക്കിയ ചിക്കൻ ആദ്യം ഉപ്പു പുരട്ടി വയ്ക്കുക

3. ചിക്കൻ ആദ്യം മൈദമാവിൽ മുക്കുക. അതിനു ശേഷം മുട്ട- പാൽ മിശ്രിതത്തിൽ മുക്കുക. 

4. വീണ്ടും മൈദമാവിൽ മുക്കുക. 

5. റൊട്ടിപൊടിയും അരച്ചെടുത്ത അണ്ടിപരിപ്പും, വറ്റൽമുളകും, കുരുമുളകുപൊടിയും ചേർത്ത് നന്നായി യോജിപ്പിക്കുക. 

6. മൈദമാവിൽ മുക്കിയ ചിക്കൻ യോജിപ്പിച്ച് വയ്ചിരിക്കുന്ന റൊട്ടിപൊടി- അണ്ടിപരിപ്പ് മിശ്രിതത്തിൽ മുക്കിയെടുക്കുക. അതിനു ശേഷം ഫ്രീസറിൽ 1 മണിക്കൂര് നേരം വയ്ച്ചു തണുപ്പിക്കുക.

7.ഒരു ചീനച്ചട്ടിയിൽ എണ്ണ  ചൂടാക്കുക. 

8. എണ്ണ നന്നായി ചൂടാകുമ്പോൾ ഓരോ കഷ്ണം ചിക്കൻ വീതം ചേർത്ത്  നന്നായി വറുത്തെടുക്കുക. 

9. ചിക്കൻ കഷ്ണങ്ങൾ നന്നായി എണ്ണയിൽ മുങ്ങിയിരിക്കണം 

നല്ല ബ്രൌണ്‍ നിറമാകുമ്പോൾ ടിഷ്യു പേപ്പറിൽ വറുത്തു കോരാം 

സ്റ്റാർറ്റെർ ആയോ ചോറിനൊപ്പമോ കഴിക്കാവുന്നതാണ് 

സ്റ്റഫ്ട് ഓംലെറ്റ്

ചേരുവകൾ 

1. മുട്ട - 3
2. തക്കാളി - 1
3. പച്ചമുളക് - 2
4. ഉപ്പ്- ആവശ്യത്തിന്

തയ്യാറാക്കുന്ന വിധം 

1. മുട്ട ഒരു പാത്രത്തിലേക്ക് പൊട്ടിച്ചൊഴിക്കുക. ഇതിലേക്ക് ആവശ്യത്തിനു ഉപ്പും ചേർത്ത് നന്നായി ഇളക്കുക.

2. സവാള പച്ചമുളകും ചെറുതായി അരിയുക. 

3. തക്കാളിയും നീളത്തിൽ ചെറുതായി അരിയുക.



4. ഒരു ചീനച്ചട്ടിയിൽഎണ്ണ ചൂടാക്കി അതിലേക്കു അറിഞ്ഞു വയ്ചിരിക്കുന്ന സവാളയും പച്ചമുളകും ആവശ്യത്തിനു ഉപ്പും ചേർത്ത് നന്നായി വഴറ്റുക.

5. സവാള ഇളം ബ്രൌണ്‍ കളർ ആകുമ്പോൾ അരിഞ്ഞു വയ്ച്ചിരിക്കുന്ന തക്കാളിയും ചേർത്ത് ഇളക്കുക. 

6. തക്കാളി നന്നായി വാടി കഴിയുമ്പോൾ ഗ്യാസ് ഓഫ്‌ ചെയ്യുക.

7. നന്നായി ആറിയതിനു ശേഷം ഇളക്കി വയ്ച്ചിരിക്കുന്ന മുട്ടയിൽ ചേർത്ത്
 യോജിപ്പിക്കുക.

8. ഒരു ദോശക്കല്ലോ പാനോ അടുപ്പിൽ വയ്ച്ചു നന്നായി ചൂടാക്കുക.  കല്ല്‌ ചൂടായതിനു ശേഷം അതിൽ നല്ലെണ്ണ പുരട്ടുക.

9. യോജിപ്പിച്ച് വയ്ചിരിക്കുന്ന മുട്ട- തക്കാളി കൂട്ട് കല്ലിൽ ഒഴിച്ച് പരത്തുക.

10. ഓരോ വശവും മറിച്ചിട്ട് നന്നായി വേവിക്കുക.

മുട്ട അവിയൽ

ചേരുവകൾ
1. മുട്ട- 3
2.തേങ്ങ തിരുമ്മിയത്‌ - 1/2 കപ്പ്‌
3.ചുവന്നുള്ളി- 4
4.പച്ചമുളക്- 2
5.മഞ്ഞൾ പൊടി - 1/ 4 ടീ സ്പൂണ്‍
6.വെള്ളം - ആവശ്യത്തിനു
7. കറിവേപ്പില

തയ്യാറാക്കുന്ന വിധം 

1. മുട്ട പുഴുങ്ങുക. ചൂടാറുമ്പോൾ തോട് പൊട്ടിച്ച് ചകിരിനാരുപയോഗിച്ചു നീളത്തിൽ രണ്ടായി മുറിക്കുക.



2. തേങ്ങയും ചുവന്നുള്ളിയും പച്ചമുളകുംമഞ്ഞൾ പൊടിയും കുറച്ചു വെള്ളം ( 1/ 4 കപ്പ്‌) ചേർത്ത് അരയ്ക്കുക.

3. അരച്ചതിനു ശേഷം ഒരു പാത്രത്തിലേക്ക് മാറ്റി ആവശ്യത്തിനു വെള്ളവും ഉപ്പും ചേർത്തിളക്കുക. 

4. ഇതിലേക്ക് മുറിച്ചു വയ്ചിരിക്കുന്ന മുട്ട കൂടി ചേർത്തിളക്കുക ( മുട്ടയുടെ മഞ്ഞ താഴെ വരുന്ന തരത്തിൽ കമഴ്ത്തി വയ്ക്കണം). കറിവേപ്പിലയും കൂടി ചേർത്ത് 5 -7 മിനിറ്റ് ഇ\വെവിക്കനം. വേവിക്കണം. 

5. വെള്ളം നന്നായി വറ്റുമ്പോൾ ഗ്യാസ് ഓഫ്‌ ചെയ്യുക.

ജാംബക്ക കിച്ചടി

ചേരുവകൾ 

1. ജാംബക്ക - 8
2. മുളക് പൊടി - 2  ടീ സ്പൂണ്‍
3. മഞ്ഞൾ പൊടി- 1/2  ടീ സ്പൂണ്‍
4. ഉലുവപ്പൊടി - 1/ 4 ടീ  സ്പൂണ്‍
6. കായപ്പൊടി- 1 / 4 ടീ സ്പൂണ്‍
7. ഉപ്പ് - ആവശ്യത്തിന്
8. പച്ചമുളക്- 2
9. തൈര് - 1/2 കപ്പ്‌
10. കറിവേപ്പില
11. വറ്റൽ മുളക്- 2
12 . കടുക്
13. വെളിച്ചെണ്ണ

തയ്യാറാക്കുന്ന വിധം 

1. ജാംബക്ക നന്നായി കഴുകിയെടുക്കുക. രണ്ടായി മുറിച്ചു കുരു കളഞ്ഞതിന്  ശേഷം ചെറുതായി അരിയുക. പച്ചമുളകും ചെറുതായി അരിയുക

2.  ഇനി മുളകുപൊടിയും,  മഞ്ഞൾപൊടിയും ആവശ്യത്തിനു ഉപ്പും ഉലുവപൊടിയും കായപ്പൊടിയും  ചേര്‍ത്ത് ഇളക്കി വെയ്ക്കുക.

3. ഒരു ചീനച്ചട്ടിയില്‍ കുറച്ചു വെളിച്ചെണ്ണ ഒഴിച്ച്, എണ്ണ ചൂടാകുമ്പോള്‍ കടുക് താളിക്കുക. കടുക് പൊട്ടുമ്പോള്‍ വറ്റല്‍മുളകും കറിവേപ്പിലയും ചേര്‍ത്ത് വറുത്തു കോരി അരിഞ്ഞു വെയ്ചേക്കുന്ന ജാംബക്കയിലേക്ക് ചേര്‍ക്കണം.

4. ഒരു മണിക്കൂറിനു ശേഷം ആവശ്യത്തിനു തൈരും ചേര്‍ത്ത് വിളമ്പുക.

തക്കാളി അവിയല്‍

ചേരുവകള്‍ 

1. തക്കാളി (വലുത്)- 2
2. ചുവന്നുള്ളി- 3
3. പച്ചമുളക്- 2
4. തേങ്ങ തിരുമ്മിയത്‌- 1/2 കപ്പ്‌ 
5. മുളകുപൊടി- 1/2 ടീസ്പൂണ്‍
6. മഞ്ഞള്‍പൊടി-1/4 ടീസ്പൂണ്‍
7. ഉലുവാപ്പൊടി- ഒരു നുള്ള്
8. കറിവേപ്പില
9. വെള്ളം- ആവശ്യത്തിന് 

ഉണ്ടാക്കുന്ന വിധം

1. തേങ്ങ തിരുമ്മിയത്, മുളകുപൊടി, മഞ്ഞള്‍പൊടി, ചുവന്നുള്ളി, ഉലുവാപ്പൊടി എന്നിവ ആവശ്യത്തിനു വെള്ളം ചേര്‍ത്ത് അരച്ചെടുക്കുക.

2. അരച്ചെടുത്ത ശേഷം ഇതിലേക്ക് തക്കാളിയും പച്ചമുളകും  നീളത്തില്‍ കനംകുറച്ച് അരിഞ്ഞിടുക. ആവശ്യത്തിനു ഉപ്പും, തക്കാളി വേവുകാന്‍ വേണ്ട വെള്ളവും, കറിവേപ്പിലയും  ചേര്‍ത്ത് ഇളക്കി അടുപ്പില്‍ വെക്കുക. തക്കാളി നന്നായി വെന്തതിനു ശേഷം അടുപ്പില്‍ നിന്ന് വാങ്ങി വെയ്ക്കുക.

 

ശ്രദ്ധിക്കേണ്ട കാര്യങ്ങള്‍ : തേങ്ങ അരയ്ക്കുമ്പോള്‍ അവിയലിനു അരയ്ക്കുന്നതിനെക്കാള്‍ നന്നായി  അരയണം 

പച്ചമാങ്ങ കിച്ചടി

ചേരുവകള്‍
1. പച്ചമാങ്ങ-1
2. പച്ചമുളക്(ചെറുത്‌)- 2 എണ്ണം 
3. മുളകുപൊടി-1 ടീസ്പൂണ്‍
4. ഉപ്പ് - ആവശ്യത്തിന്‌
5. ഉലുവാപൊടി - ഒരു നുള്ള്
6. തൈര്- ആവശ്യത്തിന്
7. വറ്റല്‍മുളക്-2
8. വെളിച്ചെണ്ണ
9. കറിവേപ്പില
10. കടുക്

ഉണ്ടാക്കുന്ന വിധം 

പച്ചമാങ്ങ തൊലി കളഞ്ഞു കഴുകിയെടുക്കുക . അതിനു ശേഷം മാങ്ങാ ചെറുതായി നീളത്തില്‍ അരിയുക. പച്ചമുളകും ചെറുതായി കീറി ഇടുക. ഇനി മുളകുപൊടിയും, ആവശ്യത്തിനു ഉപ്പും ഉലുവപൊടിയും  ചേര്‍ത്ത് ഇളക്കി വെയ്ക്കുക.

ഒരു ചീനച്ചട്ടിയില്‍ കുറച്ചു വെളിച്ചെണ്ണ ഒഴിച്ച്, എണ്ണ ചൂടാകുമ്പോള്‍ കടുക് താളിക്കുക. കടുക് പൊട്ടുമ്പോള്‍ വറ്റല്‍മുളകും കറിവേപ്പിലയും ചേര്‍ത്ത് വറുത്തു കോരി അരിഞ്ഞു വെയ്ചേക്കുന്ന മാങ്ങയിലേക്ക് ചേര്‍ക്കണം.

ഒരു മണിക്കൂറിനു ശേഷം ആവശ്യത്തിനു തൈരും ചേര്‍ത്ത് വിളമ്പുക.