ഏത്തയ്ക്ക അപ്പം

ചേരുവകൾ 

1. പഴുത്ത ഏത്തയ്ക്ക - 2 ( വലുത്)

2. പഞ്ചസാര- 5 ടീ സ്പൂണ്‍ 

3. മൈദാ മാവ് - 2 കപ്പ്‌ 

4. വെള്ളം - ആവശ്യത്തിന് 

5. വെളിച്ചെണ്ണ- ആവശ്യത്തിന് 

തയ്യാറാക്കുന്ന വിധം 

1. ഏത്തയ്ക്ക  നീളത്തിൽ രണ്ടായി മുറിക്കുക. മുറിച്ച കഷ്ണങ്ങൾ വീണ്ടും രണ്ടായോ മൂന്നായോ മുറിക്കുക. 

2. ഒരു പാത്രത്തിൽ മൈദാ മാവും പഞ്ചസാരയും ആവശ്യത്തിനു വെള്ളവും ചേർത്ത് യോജിപ്പിക്കുക . 

3. ഒരു ചീനച്ചട്ടിടിയിൽ എണ്ണ ചൂടാക്കുക.

4. എണ്ണ നന്നായി ചൂടാകുമ്പോൾ ഏത്തയ്ക്ക മൈദാ മാവിൽ മുക്കി എണ്ണയിൽ വറുത്തെടുക്കുക. 

5. രണ്ടു വശവും നന്നായി മൊരിയുന്ന വിധത്തിൽ മറിച്ചിട്ട് വറുത്തെടുക്കണം. 

6. ഒരു പാത്രത്തിൽ ടിഷ്യു പേപ്പർ നിരത്തി അതിലേക്കു ഏത്തയ്ക്ക അപ്പം ചൂടോടെ  മാറ്റാം.