പനീർ ചപ്പാത്തി റോൾ

ചേരുവകൾ 

1. പനീർ- 200 ഗ്രാം 

2. തക്കാളി - 1 

3. കാപ്സികം - 1 

4. സവാള - 1 

5. പച്ചമുളക് - 2 

6. മുട്ട- 1 

7. ഇഞ്ചി - 1 കഷ്ണം 

8. വെളുത്തുള്ളി - 3 അല്ലി 

9. മുളക് പൊടി - 1  ടി സ്പൂണ്‍ 

10. പെരുംജീരക പൊടി - 1/ 4 ടി സ്പൂണ്‍ 

11 . കുരുമുളക് പൊടി - 1/ 2 ടി സ്പൂണ്‍ 

12 . വെളിച്ചെണ്ണ - ആവശ്യത്തിന് 

13. ഉപ്പ് - ആവശ്യത്തിന് 

ചപ്പാത്തി 

1. ഗോതമ്പുപൊടി - 2 കപ്പ്‌ 

2. ഉപ്പ്- ആവശ്യത്തിനു 

3. ചൂട് വെള്ളം - 2 തവി 

തയാറാക്കുന്ന വിധം 

ചപ്പാത്തി 

1. ഗോതമ്പ് പൊടിയും ഉപ്പും ചൂട് വെള്ളവും ചേർത്തിളക്കി ആറാൻ വയ്ക്കണം. ചൂട് ചെറുതായി മാറുമ്പോൾ നന്നായി കുഴച്ചു മാറ്റി വയ്ക്കുക. 

2. ചെറിയ ഉരുളകളാക്കിയതിനു ശേഷം ഓരോ ഉരുളയും ഗോതമ്പുപൊടിയിൽ മുക്കി ചപ്പാത്തി പലകയിൽ വെച്ച് പരത്തിയെടുക്കുക.

3. ചപ്പാത്തി കല്ല്‌ അടുപ്പിൽ വെച്ച് ചൂടാകുമ്പോൾ ചപ്പാത്തി ഓരോ വശവും തിരിച്ചിട്ടു ചുട്ടെടുക്കണം .

4. തക്കാളിയും, കാപ്സികവും , സവാളയും, പച്ചമുളകും ചെറുതായി അരിയുക.

5. പനീർ  കൈ കൊണ്ട്ചെറുതായി പൊടിച്ചെടുക്കുക 

6. ഒരു ചീനച്ചട്ടിയിൽ എണ്ണ ഒഴിച്ച് ചൂടായി വരുമ്പോൾ പൊടിച്ചു വെച്ചിരിക്കുന്ന പനീർ ചേർത്ത് നന്നായിവറുത്തു മാറ്റി വയ്ക്കുക 

7.  ബാക്കിയുള്ള എണ്ണയിൽ അരച്ചെടുത്ത ഇഞ്ചിയും വെളുത്തുള്ളിയും ചേർത്ത് മൂപ്പിക്കുക . ഇതിലേക്ക് അരിഞ്ഞു  വയ്ചിരിക്കുന സവാളയും കാപ്സികവും പച്ചമുളകും ചേർത്ത് വഴറ്റുക 

8. സവാള ഇളം ബ്രൌണ്‍ കളർ ആകുമ്പോൾ മുളക് പൊടിയും കുരുമുളക് പൊടിയും പെരുംജീരകപൊടിയും ഉപ്പും ചെര്തിലക്കിയത് ശേഷം തക്കാളി ചേര്ക്കുക.

9. തക്കാളി നന്നായി വാടി കഴിയുമ്പോൾ വറുത്തു വയ്ചിരിക്കുന്ന പനീർ ചേർത്ത് 5 മിനിറ്റ് കൂടി വഴറ്റുക.

10. ഒരു മുട്ട പാത്രത്തിൽ പൊട്ടിച്ച് ഒഴിച്ച്, ഉപ്പു ചേർത്തിളക്കുക.

11. ചപ്പാത്തി രണ്ടു വശവും തിരിച്ചിട്ടു ചുട്ടതിന് ശേഷം ഒരു വശത്ത് നടുവിലായി  ഒരു സ്പൂണ്‍ മുട്ട ഒഴിച്ച് മറിച്ചിടുക.


12. ചപ്പാത്തി ഒരു പാത്രത്തിലേക്ക് മാറ്റിയ ശേഷം മുട്ട ഉള്ള ഭാഗത്ത്‌ തയ്യാറാക്കി വയ്ചിരിക്കുന്ന പനീർ കൂട്ട് ചേർത്ത് മടക്കുക.

13. ചപ്പാത്തി മടക്കിയതിന് ശേഷം രണ്ടായി മുറിക്കുക .

ചൂടോടെ ടൊമറ്റൊ സോസ് കൂട്ടി കഴിക്കാം